【?聖誕有營食譜：低脂三文魚卡邦尼?】

【?聖誕有營食譜：低脂三文魚卡邦尼?】
☃聖誕唔想同人迫，仲想食得健康啲?，自己煮就最perfect??，營養師Rosanne??今次教大家煮番個「低脂三文魚卡邦尼?」！傳統Carbonara會用上煙肉?、蛋?、唔同芝士?拌入煮熟嘅意粉，而唔少香港餐廳仲會加入高脂忌廉，令意粉好味啲?，總熱量高達900至1400卡路里?。??Rosanne就建議改用低脂忌廉，並以煙三文魚?代替煙肉，降低菜式熱量同時提升整體營養價值✅。

?材料 (二人份) ?
意粉 200克
雞蛋 (小) 2隻 
巴馬臣碎芝士 3湯匙 
洋蔥 (切粒) 半個 
煙三文魚 4片 
牛油 10克
蒜蓉 少許
芫茜 少許 (裝飾用) 

?調味?
鹽 1 1/4茶匙 
黑胡椒 1/4茶匙 

?方法?
1. 煲滾清水，加入1茶匙鹽和意粉，煮至6至8分鐘，盛起，瀝乾備用。
2. 燒熱易潔鑊，下牛油及洋蔥，慢火炒香至軟身。
3. 加入蒜蓉和煙三文魚片，輕輕炒香。
4. 加入已瀝乾的意粉炒約1分鐘 。
5. 加入芝士拌勻至芝士完全溶掉，關火。再加入蛋漿快速拌勻用鍋的餘溫加熱蛋漿。
6. 加入1/4茶匙鹽和黑椒調味，上碟放上芫茜即成。

??資料由註冊營養師Rosanne提供